ඒලෙවලුත් ඉවර උනා කොම්ලෝ...

 වෙලාව පාන්දර 4.36යි... 

බ්ලොගර් ඩෑෂ්බෝඩ් එකට ලොග් වෙලා කලේ තීම් එකේ වෙනස්කම් ටිකක් කරපු එක... දැන් හරි...

මචෝ...

ඒලෙවලුත් ඉවර උනා... ඉවර උනා කිවුවට ඉවරමත් නෑ තාම ET ප්‍රැක්ටිකල් ඉවර නැති නිසා... කොහොම උනත් ප්‍රධාන මිෂන් එක හෙවත් ලියන විභාගෙ ඉවර වෙලා දැන් මාස 2ක්...

2002 ඉපදිච්ච බුවෙක් වෙච්චි කොටි මලයා අපොස උසස්පෙල හෙවත් ඒලෙවල් ලියන්න නියමවෙලා තිබ්බෙ 2021 අවුරුද්දෙ අගෝස්තු මාසෙ උනාට කොරෝනා වසංගතේ නිසා විභාග කල්ගිහින් ඒලෙවල් ලියන්න උනේ 2022 පෙබරවාරි මාසෙ. මාසෙ පුරාවටම විභාගෙ තිබ්බා. ප්‍රායෝගික පරීක්ෂණ මේ එන ජුනි මාසෙ පැවැත්වෙන්න නියමිතයි(ලු).

2018 ඕලෙවල් ලියලා කොටිමලයා හෙවත් මම සමාජයට ආවෙ අමුතුම මනුස්සයෙක් වෙලා. විශ්වාස කරපු ගොඩක් අය මගෙ විශ්වාසෙ බින්ඳ නිසාත්, මට වටිනාකමක් තිබුනෙ නැති තැන් වල වටිනාකම් හොයන්න ගිහින් එක එකා සොමි දාන වෙලාවට උන්ගෙ බයිට් එක වීමේ ගොන්කම් තේරුම් යාම නිසාත් මං සමාජ ආශ්‍රයෙන් ඈත් වෙලා තනියෙන් ජීවත් වෙන්න හුරු උනා. 

ඒක එකපාරම කරගන්න බැරි උනත්, 2021 මැයි මාසෙන් පස්සෙ වගේ මං ඇත්තටම අතුරුදන් උන චරිතයක් වෙන්න පටන් ගත්තා (කියලා මට හිතෙනවා). සමාජෙන් කිවුවට මුලු සමාජෙන්ම නෙවේ.... මට වටිනාකමක් දීපු නැති සමාජයෙන්...

2019දි ඒලෙවල් පන්තියට එද්දි මං තනි මිනිහෙක් කවුරුවත් විශ්වාස නොකරපු. ජීවිතේ ටාගට් එකක් නොතිබුනු. ජීවිතේ ඉස්සරහට යන්න ඕනි පාත් එක, මගේ ඇඟේ තියන ස්කිල් එකවත් අඳුරගත්තෙ නැති.

2019 ජුනි මාසෙ විතර ඒලෙවල් පන්තියට ආවට පස්සෙ මගේ ජීවිතේ මට වටිනාකමක් දීපු මුල්ම පුරුක් ටික උනේ ඒලෙවල් වලට ආනන්දෙට ඇවිත් මාත් එක්ක ෆිට් උනු මගේ කොල්ලො ටික. එතනින් ටීම් විත් පන්තිනායක ගෘප් එකේ අපි හය හත් දෙනා. දිනෙයා, රංදිම, නෙත්ම, සනියා, වල්ලනායක සහ බාචියා... 

කොරෝනා ඇවිත් 2020 මාර්තු නිවාඩු දුන්නම ඊට සති 2,3කට කලින් චාරක ෂමින්ද ඉලංගසිංහ අයියා ෆේස්බුක් එකේ ෂ්‍යොර් කරලා තිබ්බ බ්ලෙන්ඩර් පාවිච්චි කරලා හදපු ඒජන්ට් 327 ෆිල්ම් එකේ ට්‍රේලර් එක බලලා බ්ලෙන්ඩර් ඉගෙන ගන්න පටන් ගත්ත එක ජීවිතේ මම කරන්න ඕනි මොකක්ද කියන එක තීරණය කලා...

ඒත් එක්කම මට වටිනාකම් දීපු තවත් පිරිසක් වෙනම එකතු උනා... !

 

ඒ වගේම 2020 පෙබරිවාරි මාසෙන් පටන් අරන් 2020 2021 ඉවර වෙනකන්ම වගේ මගේ ජීවිතේ ලොකුම ටර්නින් පොයින්ට් එකක් උනු, ජීවිතේ ගොඩක් දේවල් මට උගන්නපු දුෂ්ඨ පොඩි කෙල්ලෙකුත් හිටියා... ! 

එයා වෙනම කතාවක් මචෝ! ඒ කතාව ලියන්න මේක වෙලාවක් නෙමේ නිසා දැනට මෙතනින් එයා ගැන කතාව නවත්තමු!

ඒලෙවල් ලියන එක අතෑරලා හිටියා කාලයක් මම... ඒ 3ඩී සයිඩ් එකෙන් ඉස්සරහට යන්න ඕනි කියලා ඒක අතෑරලා... නමුත් ඒකත් වෙනම කතාවක් සහ ඒ කාලෙ ගොන්කම් ගැන තවම පොඩි පසුතැවීමක් තියන නිසා ඒකත් මෙතන කියන්නෙ නෑ...

කොහොම උනත්,

කොරෝනා නිසා මට, අපිට ජීවිතේ ලස්සනම කාලයක් නැති උනා මචෝ... ලැබුනු දේවල් තිබ්බා... අද මම මගේ ෆීල්ඩ් එකේ ඉන්න තැනට හයිවේ එකක් උනා කොරෝනා... ඒත් ඕවරෝල් ගත්තම අපිට නැතිවෙච්ච දේ වැඩියි... 

කොහොම හරි අපි 2022 පෙබරවාරි ඒලෙවල් ලිවුවා... ප්‍රැක්ටිකල් ඉදිරි මාස වල තියෙයි... රිසල්ට් ගැන මම දන්නෙ නෑ... මට අදාලත් නෑ...

කොහොමහරි...

කොටි මලයා ඒලෙවල් ලිවුවා...

නෑ...

SNOW KOTIYA ඒලෙවල් ලිවුවා!