Thursday, June 1, 2017

අධ්‍යාපනාධාර | ගංවතුරෙන් අවතැන් වූ සිසුන්ට උපකාර කිරීමේ වැඩසටහන | ඔබත් එකතු වන්න

ආයුබෝවන්...

මේ ලිපිය ලියන්නෙ අවතැන් වුනු අපේම සොයුරු සොයුරියො වෙනුවෙන්...

TechTrackShow,ඇන්ඩ්‍රොයිඩ් වැඩකාරයෝ,SL Geek වගේ යූටියුබ් නාලිකා මෙන්ම භාෂා ලංකා වැනි
ආයතන
රාශියක් එකතු වෙලා සංවිධානය කරන ගංවතුර නිසා සිසු සටහන් නැතිවූ සියලුම
දරුවන් වෙනුවෙන් කරන මේ අධ්‍යාපනාධාර
සමාජ සත්කාර
වැඩසටහනට සම්බන්ධ වෙන්න ඔයාලටත්
පුලුවන්.
2017 වසරේ පැවැත්වෙන ශිෂ්‍යත්වය,අපොස සාමාන්‍ය පෙළ,අපොස උසස් පෙල, විභාග වලට පෙනී
සිටින අපගේ සහෝදර සහෝදරියන්ට අවශ්‍යකරන පොත්පත්,පාසල් උපකරණ,පෑන් පැන්සල් වගේම
පසුගිය විභාග ප්‍රශ්න පත්‍ර, වැනි දෑද එකතු කර ලබාදීම තමයි මේ අධ්‍යාපනාධාර වැඩසටහනේ අරමුණ.
ඉතින් මේ කර්තව්‍යට සහය දෙන්න ඔයාලටත් පුලුවන්.
පොත්පෑන් පැන්සල් වගේම ඔයාල ලග තියනව නම් පසුගිය විභාග ප්‍රශ්න පත්‍ර,සටහන් වැනි දේවල් ඒවා ස්කෑන් කරලා අපිට
එවන්න ඔයාලට පුලුවන්.
ඒ වගේම මේ කටයුත්තට ඔයාලගෙ දායකත්වය ලබාගැනීමට අධ්‍යාපනාධාර වැඩසටහන
මගින් නිර්මාණය කර ඇති ගූගල් ෆෝම් එකේ තියන විස්තර පුරවලා අපිට එවන්න.
මේ ගූගල් ෆෝම් එකේ ලින්ක් එක අපි යූටියුබ් වීඩියෝ ඩිස්ක්‍රිප්ෂන් එකේ දාලා තියනවා.
ඒ වගේම ඔයා මේක දකින්නෙ ෆේස්බුක් එක හෝ යුටියුබ් එකේ කොතනක වුනත් එතන කමෙන්ට්
බොක්ස් එකේ කමෙන්ට් එකක් දාන්න.අපි අවශ්‍ය කරන විස්තර එවිට ඔබට ඉක්මනින් ලබා දෙන්නම්.
ඒ වගේම ආධාර භාර දෙන්න පුලුවන් ස්ථානත් මේ වීඩියෝ එකේ අපි දක්වලා තියනවා.
ඒ වගේම ඔයාට මේකට ආධාර ලබා දෙන්න පුලුවන් වුනත් බැරි වුනත් ඔයාට පුලුවන් මේ වීඩියෝ ෂෙයාර් කරන්න...
ඒ මගින් ඔයාට බැරි වුනත් ඔයා ෂෙයාර් කරපු දේ දැකලා වෙන කෙනෙක් ඔයා වෙනුවෙන් අදාර ලබා දෙන්න
පුලුවන්.

වැඩි විස්තර පහත වීඩියෝ එකෙන්...

ඒ වගේම උදවු ලබා දෙන්න නම් - මෙතන CLICK කරන්න

ඒ වගේම උදවු අවශ්‍ය නම් - මෙතන CLICK කරන්න

අසරණ වෙලා ඉන්න අපේම අය වෙනුවෙන් තත්පරයක් හරි වැය කරමු

Saturday, May 6, 2017

පාසල් ලමුන් සිල් ගැනීම...මොකක්ද මේ...

හ්ම්...වෙසක් මාසෙ පලවෙනි ලිපිය මං හිතන්නේ...

හැබැයි ලියන්න වෙන්නෙ සම්පූර්ණයෙන්ම උඩුයටිකුරු වෙන්න පුලුවන් ලිපියක් වෙන්නත් පුලුවන්...සමහර විට මට දැන් වෙනත් බෞද්ධයො හුගාක් බනියි.මාත් බෞද්ධයෙක්.ඒත් කොච්චර බැන්නත් මේක තිත්ත ඇත්ත වෙන්න පුලුවන්...අවධානමක් අරගෙන හරි ලියන්න හිතුවෙ ඒ නිසයි...

මගේ බ්ලොග් එක දැකලම ආසාවට බ්ලොග්කරණයට එකතු වුන ප්ලේන් මල්ලි ත් එදාම මේක ගැන හීනියට ඡේදෙට හරි කොටල තිබුනා...

ඉතින් යාලුවනේ මේ වෙසක් මාසෙ වෙසක් උත්සවයට සමගාමීව බෞද්ධ පාසල් හැම එකක්ම මේ සීල ව්‍යාපාරය පවත්වනව.පන්ති මට්ටමින් දෙමාපියන්ගෙ දායකත්වයෙන් එහෙම තමා මේක කරන්නෙ.ඉතින් කොටි මලයාගෙ පාසලෙත් මේ සීල ව්‍යාපාරය පසුගිය දා පැවැත් වුනා...අලුත් බ්ලොග් සහෘදයා ප්ලේන් මල්ලි ත් එදා මාත් එක්කම මේකට සහභාගි උනා...

අපි කෙලින්ම කතා කරමු...මං කියන්නං...මේව මගෙ අත්දැකීම්...

මම දැන් 10 ශ්‍රේණියෙ...මම මුලින්ම මේ පාසල් සීල ව්‍යාපාරයට සම්බන්ධ වෙන්නෙ 4 ශ්‍රේණියෙදි...ඒ මගෙ කලින් ශිෂ්‍යත්වයට පෙර ගිය පාසලේ ඉදන්.එදා ඉදන් අද දක්වා අවුරුදු 7ක් මේ විදිහට පාසල් සීල ව්‍යාපාරයට සහභාගි වුනා...

ඒත් වගකීමෙන් කියන්නෙ...මේ අවුරුදු හතේදිම එක ලමෙක් සිල් ගත්තෙ නෑ...

මොකක්ද මම මේ කියන්නේ...?

මගේ ලගම අත්දැකීම...

දැන් එදා...මේ අවුරුද්දෙ සිල් ව්‍යාපාරයෙ ඔන්න දැන් අපි ශාලාවට වෙලා වාඩි වෙලා ඉන්නව...ඉඩ කඩත් මදි...මං හිටියෙ මැද ඉදන් ටිකක් විතර පස්සට වෙන්න...දැන් හාමුදුරුවො බණ දේශනා කරනව...

ඒත් මට පිටිපස්සෙන් ඇහෙන්නෙ...

මොකද හු%*#
පලයන් කැ&*$%

සිංහල භාෂාවේ සුද්ද සිංහල වචන හෝඩියම වගේ මගෙ පිටිපස්සෙන් ඇහෙනව...

ඒ අතරෙ තව සමහර නිදි...
තව සමහරු කකුල් තියාගන්න ඉඩ මදි නිසා හරියට සැපට කකුල් තියාගන්න දගලනව.
තව සමහරු උතුරු සලු වල ගහල තියන අල්පෙනෙති ගලෝල වටේ ඉන්න උන්ට ඇන ඇන ආතල් ගන්නව.
ඊට පස්සෙ හාමුදුරුවො සාදු කියන්න කිවුව ගමන් මහා හයියෙන් සාදු!!! කියල බෙරිහන් දෙනව.

මේ අවුරුදු හතේම උනේ ඕක...7 ශ්‍රේණියට විතර එනකන් කුණුහරුප භාවිතය නොතිබ්බට මේ හා සමාන දේමයි වුනේ...

දානෙ බෙදද්දි අපේ උන් හිතන් ඉන්නෙ උන්ට කෑම දෙන්නෑ කියල...අනේ ඇන්ටී...අනේ අංකල් මෙහෙ මෙහේ...අතුරුපසට අයිස්ක්‍රීම් හරි මොනා හරි දෙනකන් මුංට ඉන්න බෑ...අත් උස්සල වන වන ඉල්ලනව...සංසාරේ භවේ දුකා කිවුවලු...

ඊට පස්සෙ දානෙ වලදලා ඉවර වෙලා ආයෙ බණ පටන් ගන්න කන් සමහර උපාසකයො දානෙ බෙදන්න ආපු අම්මලගෙ ෆෝන් අරන් සෙල්ෆි ගහනව...ගේම් ගහනව...

මේව දකින කොට ඇත්තටම අපිටවත් ඇත්තටම මොකුත් කරගන්න බෑ...මට බනියි හැමෝම...ඒත් ඒකයි ඇත්ත...මං බලාගෙන හිටියෙ කොයි වෙලේ මේ මගුල ඉවර වෙනවද කියල...අර මල ඉලවු සරං කොටයක් ගහගෙන ඇවිද ගන්නත් බෑ අපේ එවුන් හිටියෙ සරම උස්සගෙන අර ගමේ චණ්ඩියො වගේ...

ඉතුරුව කියන්න අවශ්‍යත් නෑ මං හිතන්නේ...

දැන් ඉතින් මේක කියෝන බෞද්ධයො ඇත්තටම මට බනියි...අපේ ඉස්කෝලවල ඔහොම නෑ කියයි...ඒත් මේ අත්දැකීම මම ඉස්කෝල 2ක වින්දා...ඇත්ත කිවුවොත් බහුතරයක් ඉස්කෝල වල මෙහෙමයි...හැබැයි සාමාන්‍යෙයන් පහසුකම් අඩු දුෂ්කර පලාත් වල ඉස්කෝල වල සාමාන්‍යෙයන් මීට වඩා හොද හැදියාවක් බෞද්ධකමක් තියනව මගේ දැනුමට අනුව...මෙච්චර පහසුකම්,මෙච්චර නාගරික ඉස්කෝල,ලොකූ ඉස්කෝල කියන ඉස්කෝල වල තත්ත්වය මෙහෙමයි කියන්න මම පසුබට වෙන්නෙ නෑ...මම ඉන්නෙ එහෙම ඉස්කෝලෙක වුනත් මම ඒක බය නැතුව කියනව...

හ්ම්...කියන්න දේවල් ගොඩාක් තිබුනත් කාල වෙලාව මදි නිසා මෙතනින් නවතින්න තීරණය කරනව...

කොටි මල්ලී,
2017.05.06

Friday, April 21, 2017

අලුත් අවුරුද්දත් ඉවරයි...ඊලග සතියෙ ඉස්කෝලේ...

හ්ම්...

අලුත් අවුරුද්දත් ඉවර උනා කියාංකො ඉතින්...

හැමදාම වගේ...

සති 2ක් වැනි අති කුජීත අවුරුදු නිවාඩුවෙත් සම්පූර්ණයෙන්ම නිවාඩු කියන්න පුලුවනුත් ඉතින් දවස් 5ක් 6ක් වගේ තමයි...

මොකද අනිත් දවස් ටික ටියුෂන් පාතාලයේ ටියුෂන් මැරයන් විසින් කාලා දාලනේ...

කරුමෙ තමා මිත්‍රවරුනි...කරුමේ...

ඔය දැන් ඔය මහාචාර්යවරු එහෙම දාගෙන පත්තර වලට ලියනවා,ටීවී වල කතා කරනවා අවුරුදු නිවාඩුව කියන්නෙ පාසල් දරුවන්ට තියන ප්‍රීතිමත්ම කාලෙ කියලා...

බයිලා...

අඩේ පාසල් දරුවොනෙ දන්නෙ අවුරුදු නිවාඩුවෙ හැටි...

කොටි මලයාගෙ අවුරුදු නිවාඩුව ගෙවුනෙත් හරිම අවිවේකීව...

ප්‍රධාන වශයෙන්ම කාර් එක නිසා කටු කෑමේ අධික ආශාවෙන් පෙලුන නිසා ලෙසටම නිවාඩුව කන්න දාපු ටියුෂන් පන්ති 2ක් කට් කරගන්න මලයා සමත් වුනා...

ඒ වගේම ඒ කාපු කටු ටිකත් ලෙසටම කෑවා...අවුවෙ පන දාගෙන ස්කූටරයකින් හොරණ ඉදල දෙහිවලට ට්‍රැෆික් එකේ හිල් වෙච්ච ටයරයක් රැගෙන යාම, සහ හිල් නොවුනු ටයරයක් රැගෙන ආපහු ගෙදර ඒම, ඊට කලින් ටයරයක් පිපිරීම ආදී ටයර් නිසාම සුපිරි කට්ට කාපු ටයර් කටු වකවානුවක් මේ...

අවුරුදු නිවාඩුව නිසා ඉතින් මගේ යාලු මාලුවො දෙන්නා සෙට් වෙන්න ලැබුනෙත් නෑ වැඩිය...

ඒත් එදා 12 වැනිද විශ්වයාගෙ ගෙදර උදේ ගණන් පන්තියක් ලෑස්ති කරල තිබුනා...ඉතින් සෑර් එනවා කිවුවෙ 10ට නිසා  මාත් 9.50ට වගේ විශ්වයාගෙ ගෙදෙට්ට ගියා...යද්දි පමෝද් කාරයක් ඇවිල්ලා...කොහොමින් කොහොමින් හරි සෑර් එන්නෑ වගේ ලයින් එකක් තිබුන නිසා අපි තුන් දෙනාත් අද පන්ති නැති වෙයි යන සුන්දර බලාපොරොත්තුව ඇතිව වත්තට වෙලා හිටියා...

මගෙ සාක්කුවෙ රුපියල් 100ක් තිබුනා...ඒක මගෙ සාක්කුවෙන්ම නොදන්නා තැනකින් මතුවෙච්ච එකක්.මං ඒක තියන් හිටියෙ අහස්කූරු ටිකක් ගන්න.මොකද මං රතිඤ්ඤා සහ අනිත් ඒව පත්තු කලාට කවදාවත් අහස්කූරු පත්තු කරල නෑ.අර එස්ලෝන් බටේකට අහස්කූර සෙට් කරලා යනව ටෙක්නික් එක තමා මාත් අත්හදා බලන්න ආසාවෙන් හිටියේ.

ඒත් අරුන් දෙන්නත් එක්ක ඉන්න කොට මට පොඩි ආතල් එකක් ආවා.විශ්වලෑ ගෙදෙට්ට අල්ලපු කඩේ.ඔක්කොම අහස්කූරු ඒව තියනව.

අපි 3දෙනාත් ඉතින් ඕකට ගියා.මං බැලුවෙ මොනවද ගන්නෙ කියල.ඒ පාර මං තීරණය කලා ගිණිකෙලි භාණ්ඩ ටිකක් ගන්න.මං රුපියල් දහසෙ අහස්කූරු 5කුයි රුපියල් පහේ බඹර චක්කර 10කුයි ගත්තා.ඒ අස්සෙ අරුන් දෙන්නත් කොහෙන් කොහෙන් හරි රුපියල් 10ක්ද විස්සක්ද සෙට් කරගෙන පොඩි බයිට් පැකට් 1ක් හරි 2ක් හරි ගත්තා...

මුලින් මං හිතන් හිටියත් අහස්කූරු අපේ ගෙදර ගිහින් මං තනියෙන් පත්තු කරනව කියල අරුන් දෙන්න ඉන්නකොට මගෙ අදහස වෙනස් උනා...
මං තීරණය කලා මෙහෙදිම මුං දෙන්නත් එක්ක ඕව පත්තු කරල ආතල් එකක් ගන්න...

ඉතින් කොහොම හරි අපි අහස්කූරු පත්තු කරන සීන් එකට බැස්සා...

විශ්වයා ගත්ත එස්ලෝන් බටයක්...හයිකලා මිදුලේ...අහස්කූර සෙට් කලා...මායි පමෝදයි ගෙයි දොරකඩ...

පමෝදයා මචාන් අපි පොඩ්ඩක් ඇතුලට වෙලා ඉමු ඕක ෂුවර් නෑ පස්සෙන් ආවොත් කියල අපි දෙන්නත් පොඩ්ඩක් ඇතුලට ගියා...විශ්වයත් ටක් ගාලා අරක පත්තු කලා...

ෂූ සද්දයක් ආවා...අහස්කූර උඩ ගියා...

ම්..ඒ මොකුත් සද්දයක් නෑනෙ බං...කෝ...

එහෙම කියපු අපි පොඩ්ඩක් එලියට ගිහින් බැලුවා...

ඒ සෙනිකව අහස්කූර අල්ලපු ගෙදර වහලට වැදිල ඩෝන් ගෑවා...

අපි යකෝ ගේ ඇතුලට ගිහින් හිනා වුනු තරම තමයි...

ඊට පස්සෙ අපි එක එක පත්තු කලා...මාත් එකක් පත්තු කලා...එකක් විශ්වලෑ ගෙදරම උඩ තට්ටුවට වැදිලා ඩෝන් ගෑවා...තව එකක් තව ගෙදරක බිත්තියකට වැදිලා ඩෝන් ගෑවා...තව එකක් කොහේ ගියාද දන්නෑ ඇහුනෙ ඩෝන් ගානව විතරයි.

බඹර චක්කර සීන් එක නං ඉතින් අවුලක් නෑ සාමාන්‍ය විදිහට පත්තු වුනා...

මලයාගෙ අවුරුදු කාලෙ ඉතින් අවිවේකී වුනත් අවුලක් නෑ...මලයාගෙ අම්මා රෑ වෙනකන් මහන නිසා මලයා මේ දවස් ටිකේ නිදාගත්තෙ පාන්දර 2.30ත් පහුවෙලා...එදා 14 වෙනිද පාන්දරත් 3 වෙනකන් ඇහැරලා හිටියා...ආයෙත් ලිප ගිනි මොලවන නැකතට විනාඩි 5ක් විතර තියලා නැගිටලා රතිඤ්ඤා පත්තු කිරීමේ මෙහෙය ඉටු කලා...

ඊට පස්සෙ ඉතින් නැකැත් ඉවර උනාට පස්සෙ හවස කිරිඅම්මලෑ ගමේ ගියා...ඊට පස්සෙ හිස තෙල් ගෑමේ නැකතෙන් පස්සේ තෑගි බෝග බෙදා ගෙන එදාත් එහෙ ඉදලා පහු වෙනිද තමයි ගෙදර ආවෙ...

ඉතින් 15න් පස්සෙ ඉතින් අවුරුද්ද ඉවරයි...

කරන්න දේකුත් නෑ...මේ සතියෙ ඉතින් ගෙදර ඉදපු නිසා දවසම කම්පියුටරේ දාගෙන ඉන්න එකත් මගෙ හිතට මදි නිසා ගෙදර වැඩකුත් කරන්න ඕනි නිසා මේ පාර මම තනියම ගේ බිම පොලිෂ් කලා...දවස් 3ක් යන්න කලින් වැඩත් ඉවරයි.
ඊට පස්සෙ පෙරේදා පමෝද් කාරයත් ඇවිත් ඉදලා කරලා ගියා...පොරවත් ආවෙ නැත්තං තනිකමේම ඉදලා නිවාඩුව තවත් මූසල වෙන්න තිබුනා...

ඉතින් බහුතරයක් ලමයින්ගෙ අප්‍රේල් නිවාඩුව මෙන්න මේ වගේ තමයි...සමහර අයට මෙහෙමවත් නෑ...අපේ පමෝද්කාරයාටත් අවුරුදු සතියෙ 12 වැනිද වෙනක්ම පන්ති...හිතවත් බ්ලොග් සහෘදයා රන්වන් මකරාත් අප්‍රේල් නිවාඩුවෙ කුජීත බව,ටියුෂන් මැරයන් ගැන පෝස්ට් එකක් අවුරුද්දට කලින්ම දාල තිබුන...ඔව් අපි ඔක්කොටම එකවගෙ තමයි මේ නිවාඩුව...

අගෝස්තු නිවාඩුව ගැන මං මොකූත් කියන්නෑ ඉස්කෝලෙන් දෙන අවුරුදු 2ක පැවරුම් කලාම ඒකත් හරි...

දැන් ඉතින් නිවාඩුව ඉවරයි ඊලග බදාදා ඉස්කෝලෙ යන්න ඕනේ...

අනේ මංදා ඉතින්... ඉතින් ළමයි පොතින් අධ්‍යාපනය ලබයි...ඒත් නිදහසේ ඉදලා දුවලා පැනලා ගන්න අධ්‍යාපනය ළමයි ලබයිද?...අත්දැකීමෙන් දෙයක් ළමයි ඉගෙන ගනියිද?...දැවෙන ප්‍රශ්න බං මෙව්වා...

Thursday, April 13, 2017

ඔබ සැමට සාමය සතුට පිරි සිතූ පැතූ සෑමදෙයම ඉටුවන කිරියෙන් පැණියෙන් ඉතිරෙන සුබම සුබ අලුත් අවුරුද්දක් වේවා...!!!


ඔබ සැමට සාමය සතුට පිරි කිරියෙන් පැණියෙන් ඉතිරෙන සුබම සුබ අලුත් අවුරුද්දක් වේවා...!!!

ඉතින් හැමදාම වගේ...
කොටි මලයා ඔයාලත් එක්ක හැමදාම ඉන්නවා...
මේ අවුරුද්දෙ කොටි මලයා අවුරුදු සමරන්නෙ අපේ අවුරුදු කුමාරයා 13ශ්‍රී6127 එක්ක...
ඉතින් මේ අලුත් අවුරුද්දෙ අලුත් ගමනකින් අපි ඉදිරියට යමු...
හැමදාම අලුත් දෙයක් කරමු...
නෑ බෑ නොකියා හැම අභියෝගයම ඔව් පුලුවන් කියලා භාරගමු...
ඔබට ජය නියතයි...

ඔබ සැමට සාමය සතුට පිරි කිරියෙන් පැණියෙන් ඉතිරෙන සුබම සුබ අලුත් අවුරුද්දක් වේවා...!!!

මේ අවුරුදු සුබ පැතුම,
ඔබේ හිතාදර,
කොටි මල්ලියා විසින්...


Wednesday, April 12, 2017

අද අප්‍රේල් 12 වැනිදා


හ්ම්...

අද අප්‍රේල් 12 වැනිදා...

අවුරුද්දට කලින් දවස...ගිය අවුරුද්දෙ ඒ කියන්නෙ 2016 අවුරුද්දෙ අද වගේ දවසක තමයි අපේ අවුරුදු කුමාරයා අපේ ගෙදරට ආවෙ...ඔය තියෙන්න ගෙනාපු දවසට පස්සෙ දවසෙ ගත්ත ෆොටෝ එකක්...

අද ගොඩාක් දේ වෙනස් වෙලා...මේ තියෙන්නෙ දැන් තියන විදිහ...


ඉතින් මේ අවුරුද්දට අපි කාර් එකට අඩුවක් කලේ කලේ නෑ...තියන අඩුපාඩු කොහොම කොහොම හරි හැදුවා...හුගක් දේවල් අලුතෙන් කලා...

ඒ වගේම මම අලුත් කාර් වලින් සම්පූර්ණයෙන් මිදිලා පරණ කාර් වලට ආදරේ කරන කාර් පිස්සෙක් වුනේ මේ අවුරුද්දේ තමයි...

Sunday, April 9, 2017

අලුත් කාර් පදින අයද , පරණ කාර් පදින අයද..?

2017.04.10


හ්ම්...

මං බැලුවෙ මේක කොතනින්ද පටන්ගන්නෙ කියල...

ආ...හයිබ්‍රිඩ්කාරයො ටික...සරම රෙඩි කරගෙන ඉදපල්ලා...රිදුනොත් රෙද්ද උස්සගෙන එන්න...

පරණ කාර්...

කොච්චර සුන්දරද...කොච්චර අපේ ජීවිතේට සම්බන්ධ වෙනවද...ඒක අපිට හිතාගන්න බෑ...හැමදාම අලුත් අත්දැකීමක්,අලුත් නිදහසක් ක්ලැසික් කාර් අපේ ජීවිතේට දෙනව...

ක්ලැසික් කාර් අපේ ජීවිතේට සම්බන්ධ වෙන හැටි හරිම පුදුමයි...බලන්න කාර් පිස්සුව බ්ලොග් එක ලියන තරිදු අයියා...පරණ ගෙයක් නං එතනත් කාර් එක...පරණ සිදුවීමක් නං එතනත් කාර් එක...ට්‍රිප් එකක් ගියත් එතනත් කාර් එක...පවුලේ කෙනෙක් නං එතනත් කාර් එක...මතක ගොඩයි...අත්දැකීම් ගොඩයි...කතා ගොඩයි...බලන්න ක්ලැසික් කාර් එකක් කෙනෙක්ගෙ ජීවිතයත් එක්ක කොච්චර දුරට බැදෙනවද කියල...ඒක අපිට හිතාගන්න බෑ...

මගෙ යාලුවෙක්ල ගාව තිබුන හොන්ඩ ෆිට් එකක්.(අදාල පොර ලිපිය කියනව නං දන්නව.කමෙන්ට් එකක් දාහන් ඈ.ඕක දැන් ගේමෙන් ඉන්නෙ.පරදින්න බෑනේ... :D)...එයාලා අවුරුදු 4ක් ඒ කාර් එක පැදල වෙන එකක් ගත්ත.දැන් එයාලා ආයෙත් ඒ කාර් එක විකුණල අලුත් එකක් ගන්න ඉන්නෙ.මෙච්චර සුපිරියි කියන මෙච්චර ඔප්ෂන්ස් තියනවයි කියන කාර් අවුරුදු 3,4න් මිනිස්සුන්ට එපා වෙද්දි අර ඔප්ෂන්ස් බාගෙට බාගයක් නැති ඊට වඩා අවුරුදු 40ක් විතර පරණ කාර් තාමත් කලින් අවුරුදු ගාණක් තිස්සෙ පාවිච්චි කරන අය කී දෙනෙක් ඉන්නවද?


දැන් ඔය අලුත් කාර් පාවිච්චි කරල විකුණපු කෙනෙක් ඊට පස්සෙ කවදාවත් ආයෙත් ඒ කාර් එක දිහා හිතල බලනවද?තමන් ඒකෙ ගිය ගමන් බිමන් මතක් කරනවද?කවදාවත් දැකල තියනවද ඇලියොන් එකක් තිබිල විකුණපු එකෙක් අඩෝ ආයෙත් ඒ කාර් එක හොයාගෙන ගන්න ආසයි බං කියනව?ඒත් පරණ කාර් එකක් තිබිල ඒක විකුණල ආයෙත් ඒ කාර් එක ගන්න හොයන කී දෙනෙක් නං ඉන්නවද?

මම දන්නෑ මට මේ ප්‍රශ්නෙ අදාල වෙනවද කියලවත්.එදා මේක ගැන අපේ හයිබ්‍රිඩ්වාදියත් එක්ක ටෝක යද්දි ඌ ඇහුව උඹල සීට් බෙල්ට් දානවද කියල...මං කිවුව නෑ කියල...දාන්නෑ තමයි ක්ලැසික් කාර් 90%කම වගේ සීට්බෙල්ට් දාන්නෑ...අරූ ඒ පාර ප්‍රීතියෙන් පිනා ගිහින් මට ආරක්ෂාව ගැන දේශනයක් දුන්න ඔන්න සීට් බෙල්ට් දාගෙන ඉදපු දෙන්න බේරුනාලු දාගෙන හිටපු නැති උන් දෙන්න මලාලු ඒක වෙන හැටියි ඒකෙ විද්‍යාත්මක හේතුයි එයා බෑග් ගැනයි ඒව ගැන ඌ කියෝනව ඌ කියනව ඒක ආරක්ෂාවලු ඒවල පට්ට ආරක්ෂක උපාංග තියනවලු...
ඒ වගේ ටෝකක් මං ජීවිතේට අහල නෑ...මං ඒපාර කල්පනා කරන්න පටන් ගත්තෙ මිනිස්සු මේව හිතනවද කියල...සමහර විට මට ටෝක දුන්න එකා නං විද්‍යාත්මක විදිහට ඒව කල්පනා කරල ඒ වාහන ගන්නවා වෙන්න පුලුවන්.හැබැයි මං වගකීමෙන් කියනව.ඔය අපේ රටේ හයිබ්‍රිඩ් ගන්න බහුතරයක් උදවිය ඕව එකක්වත් බලන්නෑ...තමා පොරක්,මම පොශ්,පෝසත් පොරක් පෙන්නන්න තමයි ඕව ගන්නෙ...
ඒ පාර මං බැලුවෙ ක්ලැසික් කාර් පාවිච්චි කරන අය ගැන...කවදාවත් මේ වගේ කලින්ම තමන්ගෙ මරණෙ ගැන ආරංචි වෙලා ඒ මරණෙ ගැන දැන් ඉදන්ම ඒකෙන් බේරෙනවද නැද්ද කියල කල්පනා කරන කට්ටියක් විදිහටයි හයිබ්‍රිඩ් අයියලා මගේ කල්පනාවට ආවෙ.ඒත් ක්ලැසික් කාර් පදින කට්ටිය සම්පූර්ණයෙන් වෙනස්.කවදා මැරෙයිද කවදා නොමැරෙයිද කියල දෙයක් එයාලට නෑ.අඩුම තරමින් එයාල ඒ ගැන හිතන්නවත් උත්සාහ කරන්නෙ නෑ.ක්ලැසික් කාර් පදින අය කරන්නෙ ජීවත් වෙලා ඉන්න කාලෙ සතුටින් නිදහසේ ඉන්න එක එයාලා හයිබ්‍රිඩ්කාරයො වගේ කලින්ම බය වෙලා ඉන්න අය නෙවෙයි.අපි ඉපදිලා අනිවාර්යෙයන්ම මැරෙනවා.ඒක කොයි වෙලේ එයිද කියල අපි දන්නෙ නෑ.ඒක ආවත් අපිට ඒක මොන මගුල කලත් බාරගන්න වෙනව.ඒක හයිබ්‍රිඩ් පාවිච්චි කරන අයටත් එකයි ක්ලැසික් පාවිච්චි කරන අයටත් එකයි.ඒත් මේ හයිබ්‍රිඩ් කට්ටිය කලින්ම කවදා හරි වෙන්න තියන දේ ගැන කලින්ම බය වෙලා ඇයි බය වෙන්නෙ කවද හරි මැරෙනවනෙ කලින්ම මරණෙ ගැන හිතනව ඉතින් හොදටෝම බය වෙලා ඉතීන් පුලුවන් නං වෙඩි වදින්නැති වාහනත් ගනියි ඒත් මේ ක්ලැසික් කාර් පදින අය අනාගතේ ගැන දැන්ම බය වෙන්නෙ නෑ මැරෙන වෙලාවට මැරෙයි ඒක ශක්‍රයටවත් නවත්තන්න බෑ.

මට තේරෙන්නෑ ඇයි මෙහෙම කියල ඒත් ඒක එහෙම තමයි.

අනිත් එක කියන්න ඕනෙ හයිබ්‍රිඩ් තියන අය කවදාවත් තමන්ගෙ වාහනේට ආදරේ කරන්නෑ සීමිතව දෙතුන් දෙනෙක් ඉදියි වැඩිම උනොත් ඒකත් කීයටවත් ෂුවර් නෑ.
දවසක් මට ආරංචියක් ආවා... අහවලා එයාලගෙ හයිබ්‍රිඩ් එක පැත්තට ගලක් ගැහුවා ඒකෙ වීදුරුව බිදුනා අරූට ගාණක්වත් නෑ...ඒ පාර මට කල්පනා වුනා අපේ කාර් එකට මං අතින් ඔය වගේ දෙයක් උනා නං මොකක් වෙයිද...?
අනිවා මං හොදටම අඩයි ඒ වෙන මොකටවත් නෙවේ කාර් එකට තුවාල උනු එකට එදා අර බස් එක කාර් එකේ මඩ්ගාඩ් එක හප්පගෙන ගිය වෙලෙත් ඕකම වුනා එදා මට දැනුනෙ බස් එක කාර් එක හප්පගෙන ගියා වගේ නෙවෙයි මාව හප්පගෙන ගියා වගේ.

ඉතින් අරූ මට හැමදාම ටෝක දානව මේ හයිබ්‍රිඩ් එකේ සයිඩ් කන්නාඩියක් විතරක් ලක්ෂ 2ක් විතර වෙනව ඔහොම ඔහොම...ඉතින් මට මොකෝ බං...?මට ඔය ලක්ෂ 2 අදාලද?...නෑනේ...මට ඒකෙන් ඇති වැඩේ මොකක්ද?...අපේ කාර් එකක නං සාමාන්‍ය සයිඩ් කන්නාඩි 2ක් රු.2000ක් 2500ක් වෙයි ෂෙල්ටන් අංකල්ලෑ ගෙවල් දිහාට ගියා නං රු.1000කට විතර හොයාගන්න තිබුනා.දවසක් මායි තාත්තයි 1 කන්නාඩියක් ගත්ත රුපියල් 400යි.

අනිත් එක ඔය ලක්ෂ ගානක් වියදම් කරල යන වාහනේ කොලඹ ගියත් ලක්ෂ තුන හතරක් දීල යන ක්ලැසික් කාර් එකේ කොලඹ ගියත් කොලඹ කොලඹමයිනෙ.

කවදාහරි දැකල තියනවද හයිබ්‍රිඩ්කාරයෙක් කාර් එකේ ෆොටෝ ගන්නවා...???
දැකල තියනවද?
වාහනේ විකුනන්න ඉන්ටනෙට් එකට දාන්න ඕනි නං කියල සහ මට හයිබ්‍රිඩ් එකක් තියනව කියල ෆේස්බුක් දාන්න ඕනෙ නං ගනියි.ඒත් ඇත්තටම බහුතරයක් මට හයිබ්‍රිඩ් එකක් තියනව කියල ෆේස්බුක් එකේවත් දාන්නෑ...
ඒත් බලන්න ක්ලැසික් කාර් එකක් තියන එකෙක් දිහා...පොර ට්‍රිප් එකක් ගියාම වුනත් පවුලෙ අයගෙ එහෙම ෆොටෝස් ගන්නවට වඩා කරන්නෙ කාර් එකේ ෆොටෝ ගන්න එක...වැව් ලග තියලා,මුහුදු ලග තියලා කොච්චර ලස්සනට ෆොටෝ ගන්නවද...එක එක ඈන්ගල් වලින් බිම බඩගාගෙන ෆොටෝ ගන්නෙ...එහෙම ලස්සන තැනක නවත්තලා තමන්ගෙ කාර් එකේ ලස්සන දෑහින් විදින එක තරම් වෙන සතුටක් තියනවද කාර් එකට ඇත්තටම ආදරේ කරන කෙනෙක්ට...

දැන් ඔය අලුත් කාර් පාවිච්චි කරල විකුණපු කෙනෙක් ඊට පස්සෙ කවදාවත් ආයෙත් ඒ කාර් එක දිහා හිතල බලනවද?තමන් ඒකෙ ගිය ගමන් බිමන් මතක් කරනවද?කවදාවත් දැකල තියනවද ඇලියොන් එකක් තිබිල විකුණපු එකෙක් අඩෝ ආයෙත් ඒ කාර් එක හොයාගෙන ගන්න ආසයි බං කියනව?ඒත් පරණ කාර් එකක් තිබිල ඒක විකුණල ආයෙත් ඒ කාර් එක ගන්න හොයන කී දෙනෙක් නං ඉන්නවද?

ඒ වගේම හයිබ්‍රිඩ් එකක් විකුණපු එකෙක් ඒ ජාතියෙ හයිබ්‍රිඩ් එකක් දැක්කම ඇවිත් ආසාවෙන් බලලා කියනවද මටත් ඉස්සර ඔය ජාතියෙ කාර් එකක් තිබුනයි කියල?ඒ කාර් එකත් එක්ක තිබුනු අත්දැකීම් කියනවද?ඒ වගේම හයිබ්‍රිඩ් එක දිහා ආසාවෙන් බලන් ඉදල අයියෙ මේක විකුණන්න එහෙම අදහසක් නැද්ද කියල අහන්නෙ කවුද?ඒත් ඒ අත්දැකීම් ක්ලැසික් කාර් තියන ඔක්කොටම වගේ තියනව.ඒ වගේ වෙලාවක අයියෙ කාර් එක විකුණන්න අදහසක් නැද්ද ඒ වගේ වචන ටිකක් ඇහෙනකොටත් දැනෙන සතුට විස්තර කරන්න බෑ.එහෙම අහද්දි නෑ මල්ලි මේක විකුණන්නෙ නෑ කියල කියන්නෙ කොච්චර සතුටකින්ද?
ක්ලැසික් කාර් එකක දුර ගමනක් යනකොට,හයිවේ දාල යනකොට දැනෙන ආතල් එක කියල නිම කරන්න බෑ...ෂටර්ස් වලින් එන ඒ නැවුම් සීතල හුලග වැදීගෙන අවට වටපිට බලබලා යනකොට දැනෙන නිදහස,සැහැල්ලුව කියල නිම කරන්න බෑ.ගියර් එක දාල කාර් එක පිකප් කරද්දි එන ගැම්ම හිතාගන්නවත් බෑ.ඒත් වටේට කලු කරලා සම්පූර්ණයෙන්ම ෂටර්ස් වහලා කෘත්‍රිම හීතලක යන එකෙක්ට ඒ ආතල් එක තියනවද?ඌට නිකන් හිරකුටියක් වගේ වෙන්න ඕනේ.ඒකටම හුරු වෙලා තියන අසරණයෙක්ට නං කරන්න දෙයක් නෑ ඒ උනත් ක්ලැසික් කාර් එකක ගිහින් හයිබ්‍රිඩ් එකක රවුමක් හරි යන එකෙක්ට මේ වෙනස හොදට තේරෙනව.ඒක ගැන නං මට ලොකු අත්දැකීමක් තියනව ඒක තමයි මම පරණ කාර්වලින් එන සතුට හයිබ්‍රිට් කාර් එකේ නැත... ලිපියේ ලියල තියෙන්නේ.
කොහේ හරි යනකොට ඉස්සරහින් යන හයිබ්‍රිඩ් කාරයන්ට ක්ලැසික් කාර් තියන අය ගේම ඉල්ලන්නෙ කොච්චර සතුටකින්ද?උන්ව ඕවර්ටේක් කරලා උන්ගෙ හොල්මන් වෙච්ච මූණු දකින එක තරං ආතල් එකක් වෙන නෑනේද?ෆාස්ට් ඇන්ඩ් ‍ෆියුරියස් එකේ උන් වගේ ගැම්මට ගියර් දාලා වැඩ දාලා කාර් එක පිකප් කරද්දි දැනෙන ගැම්ම කියල නිම කරන්න බෑ.එහෙම පිකප් කරද්දි එංජින් එකෙන් ඇහෙන සද්දෙට එන ගැම්ම කියල නිම කරන්න බෑ.

දැන් හයිබ්‍රිඩ්කාරය්ගෙන් අහන්නේ...වාහනේ නිසා කටු කාල තියනවද...? පස්සෙ කාලෙක ආසාවෙන් මතක් කරන්න පුලුවන් කොච්චර දුකක් වුනත් පස්සෙ ආසාවෙන් මතක් කරන්න පුලුවන් කටු කාල තියනවද වාහනේ නිසා...?

මොනවද ඔයාලට තියන අත්දැකීම්?...ක්ලැසික් කාර් පාවිච්චි කරන කෙනෙක්ට තියන අත්දැකීම් ඔයාලට නෑ...වගකීමෙන් කියනවා...අදත් මං මේ සුපිරි කට්ටක් කාල ඇවිත් තමා මේ ලිපිය ලියන්නෙ...(පන්ති යන්නත් බැරි උනා යකෝ...ඒත් පන්තියට වඩා කාර් එක යන ප්‍රතිපත්තිය මම අනුගමනය කලා)

මං දවසක් එකෙක්ගෙන් ඇහුව ඌ පැච් එකක් ගියා කියල කිවුව කියාංකො.ඊට පස්සෙ ටක් ගාල ස්පෙයා වීල් එක දාගෙන ගියාලු.ඒව අත්දැකීම්ද හත්තිලව්වේ?ක්ලැසික් කාර් එකක් තියන අයට තියන අත්දැකීම් අලුත් කාර් තියන අයට නෑ.ක්ලැසික් කාර් එකක් එක්ක තියන තමන් කාපු කට්ටවල් ගැන පස්සෙ කාලෙදි ආසාවෙන් මතක් කරන්න මතකයන් අලුත් කාර් තියන අයට නෑ...
ඇත්තටම ක්ලැසික් කාර් පිස්සෙක් විදින නිදහස්,සැහැල්ලු,අත්දැකීම්,සුන්දර මතක අලුත් කාර් එකක් එක්ක ඔහේ දුවන්නං වාලෙ දුවන කෙනෙක්ට නෑ...

හ්ම්...තව කියන්නට දේවල් බෝමයි...ඒත් කාලවෙලාව ඉවරායි...ටික ටික අප්ඩේට්ස් දාන්න හරි බලන්නං...ඒත් මට කියන්න තියන දේ කිවුවා...

වෙලාව රෑ 1යි 15යි...

ප.ලි. - අපි බලමුකො ඉතින්...මං සාමාන්‍යෙයන් බ්ලොග් එකේ ලියන ලිපි ෆේස්බුක් එකේ එහෙම ෂ්‍යොර් කරන්නෙ කලාතුරකින්.ඒත් මං මේක විශේෂයෙන්ම ෂ්‍යොර් කරන්නෙ මට දැනගන්න ඕනෙ ලිපිය ගැන හයිබ්‍රිඩ් සහ ක්ලැසික් පාවිච්චි කරන අයගෙ අදහස්.විශේෂයෙන්ම හයිබ්‍රිඩ් අයගෙ.විශේෂයෙන්ම අර ආරක්ෂාව ගැන ඔයාලා හිතන දේ කියන්න.

මම දන්නෑ මම ගොන් කතා කියනවද කියල.මේක මගේ පෞද්ගලික අදහස.ඒත් බහුතරයක් ක්ලැසික් පාවිච්චි කරන අය දන්නවා මේකෙ ඇත්ත නැත්ත.



අවුරුදු කුමාරයාගේ අවුරුදු තෑග්ග

ඕයේ ඕයේ...

ඔන්න අවුරුදු කුමාරයාට අවුරුදු තෑගි අරන් දුන්නා...හොදයි නේද...ඇලෝ වීල් සෙට් එකක්...මගේ වදේ හින්දම තාත්තා අරන් දුන්නා...











ලස්සනයි නේහ්...මං අවුරුද්දක් තිස්සෙ දැකපු ඇලෝවීල් හීනෙ තමා...

අවුරුදු කුමාරයා එක්ක හැමදාම මට අත්දැකීම් ගොඩායි...ඇලෝවීල් හංටින් එකේ ගිය කතාව වෙනම මේ බ්ලොග් එකේ ඉක්මනටම ලියන්න ඕනෙ...පොඩ්ඩක් ඉන්න...හෙට සදුද නේද...ඕයෑස් බේබි...අප්‍රේල් නිවාඩුවෙ පන්ති කරදරවලින් තොර පලවෙනි නිදහස් නිවාඩු දවස...හෙට වැහි දෙයියා අහස ගොරෝලා අකුණු ගහලා වාත කලේ නැත්තං හෙට පෝස්ට් එක වැටෙයි හුගක් වෙලාවට...

ආහ්...කියන්න ඕනේ...අලුත් කාර් පරණ කාර් ගැන හයිබ්‍රිඩ් කාරයන්ට ඇඩෙන්න ලියන පෝස්ට් එක තාම මට ලියන්න බැරි උනා...මං ඕක ඉක්මනට ලියන්න ඉන්නේ...එදා මේ ලගදි අපේ හයිබ්‍රිඩ්වාදියා පමෝද් කාරයට කිවුවා ඕක ලියනව කියල ඌත් ගැම්මට ආ ලියපන් ලියපන් කියල කිවුව ආ හිටපන්කො මං ඕක ලිවුවට පස්සෙ මොකාක් හරි කරල හයිබ්‍රිඩ් පොරත්වය පෙන්නන්න හදයි ඕකා පරදින්න කැමති නැති පොරනේ...හේ හේ...හිටපන්කො තොට රිදෙන්න දෙන්න...ඕයේ ඕයේ...

එහෙනං මං ගියෝ ගියෝ...

2017.04.08

2017.04.09