ඉස්කෝලෙන් පැනපු දවසක වුනු බය....

ඔන්න ඉතින්...කම්මැලිකම යන්නත් එක්ක විබාග කාලෙ ඉස්කෝලෙ වුනු සන්තෑසි වලින් එකක් ඇදල ගන්නයි මේ ලෑස්ති වෙන්නෙ....ඒ 2015 නොවැම්බර් අන්තිම....

සුපුරුදු විදිහට විභාගෙ ඉවරයි...ලකුණුත් බාගයක් විතර දීලා....මේ කාලෙ ඉතින් අපි කවුරුත් බලන්නෙ ඉස්කෝලෙ ඇරෙන වෙලාව 1.30 උනත් 12.30 විතර ඉස්කෝලෙන් ගිහින් ස්කූල් වෑන් එකට ගිහින් ආතල් එකේ ඉන්න...

ඔන්න ඉතින් සුපුරුදු ලෙස මමත් මගේ හොදම මිතුරා පමොදුත් 12.30ට විතර ප්‍රයිමරි ගේට් එක ලගට ආවා...සුපුරුදු ලෙස....එය වහලා....ඉතින් අපිත් පොඩ්ඩක් වෙලා එතන ඉදගෙන හිටියා පනින්න ක්‍රමයක් හොය හොය....ඉතුරු ටික කියවන්න කලින් පහත දල සිතියම වෙත අවධානය යොමු කරන්න...එතකොට කතාව ඉතා හොදින් තේරුම් ගන්න පුලුවන්....

ඉතින්...මේ වෙලාවෙ අපේ ස්විමින් පූල් එකේ තරගයක්...බාලිකා පාසලකින් ඇවිත්...අර නැරඹුම් පඩි වල ළමයි පිරිලා...කොහොම හරි අපි වාඩි වෙලා ඉන්නකොට තරගය ඉවර වෙලා එයාලා ගියා....අපි ගියා සිතියමේ 2 ගේට්ටුව ළගට....ඔතනින් ගිහින් ස්විම් පූල් එක අයිනෙන් ගිහින් එහා පැත්තේ නැරඹුම් පඩි වලින් නැගලා 3 ගේට්ටුවෙන් ගිහින් ආපන ශාලා හරහා ගිහින් 4 ගේට්ටුව හරහා පනින්න පුලුවන්...මෙතන බොහෝ විට ගේට්ටු වහල තියෙන්නෙ...ඒත් අර බාලිකා පාසලේ ළමයිට බාධාවක් වෙයි කියල ඒව වහල තිබුනෙ නෑ..අනික අර ආපන ශාලාවලටත් ඒ ළමයි යන්න ඕනි නිසා....

කොහොම හරි....මේ වෙලාවට ප්‍රයිමර් ගේට් එකෙන් පනින්න හදන 6,7,8,9 ශ්‍රේණි වල ළමයි ගැන අවදානය යොමු කරන්න ප්‍රිෙෆ්ක්ට්ලා එනවා....ඒත් අතන බාලිකා පාසලේ ගැහැනු ළමයි ඉන්න හින්දා ප්‍රිෆෙක්ට්ලා(ශිශ්‍ය නායකයො)ගේට්ටුව ළගට ඇවිත් අපිට පාට් දාන්න ආවෙ නෑ...අපි හිටපු තැනට මීටර් 50ක් විතර ඈතින් තමයි හිටියෙ.

අර ගැනු ළමයි ගියාට පස්සෙ අපි(මම සහ පමෝද්)ශේප් එකේ 2 ගේට්ටුව ළගට ගියා....දැන් පනින්නත් බයයි...ප්‍රිෆේකට්ලා සෙට් එක ඈතින් බර කතාවක...අපිට පනින්නත් හිතෙනව පනින්නෙ නැතුව ඉන්නත් හිතෙනව....පැනලා මාට්ටු උනොත් නං ගස්ම තමයි....කොහොම හරි මේ වෙලාවෙ මහත දෙහෙත තියෙන ටෙනිත් ආවා....අපි උගෙන් ඇහුවා පනිමුද නැත්තං නිකන් ඉමුද අතන ප්‍රිෆෙක්ට් ලා ඉන්නවා කියලා....ටෙනිතට ඕනි උනේ නෑ අතන උගෙ මහත ඇගත් තියාගෙන 1.30 වෙනකන් ගේට් එක ළග හිට ගෙන ඉන්න...අනේ මම නං යනවා බං කියපු එයා ගේට් එකෙන් යන්න ගියා...

අපි දෙන්නටත් ඉවසන් ඉන්න බෑ...අපිත් ශේපට 2 ගේට්ටුවෙන් ආවා....ඊට පස්සෙ 3 ගේට්ටුවෙන් ගිහින් ආපන ශාලා හරහා ශේපට හිමීට යන්න පටන් ගත්තා....ඊට පස්සෙ අපිට සද්දයක් ඇහුනා පිටිපස්සෙන් ළමයි කෑ ගහන සද්දයක්...මේ වෙද්දි අපි 4 ගේටුටවට හොදටම ළං වෙලා...අර කෑගැහුවෙ අපි වගේම අර ගේට්ටුවෙන් පැනපු ළමයි වගයක් කෑගහනෙග දුවන්න පටන් ගත්තා....JP(Junior Prifects)ලා එනෝ....කියල උන් දුවන්න පටන් ගත්තා....

අපි දෙන්නත් පස්ස හැරිල බැලුවෙ නෑ....දිවුවා දිවිල්ලක් කියල වැඩක් නෑ....ප්‍රිෆෙක්ට්ලාට අහුවුනොත් එල්ලුම් ගහට අහුවුනා වගේ හැගීමක් අපිට තිබුනෙ...ඉතින් අපි පාර එහාපැත්තෙ තියන ග්‍රවුන්ඩ් එකට උඩින් නවත්තල තියන අපේ ස්කූල් බස්(රෝසා බස් එකක්)එකට දිවුවා...අපි යද්දි ඇපල්(7 වසරෙ ඉගෙන ගන්න අපේ වෑණ් එකේ යන කොල්ලෙක්)එයාගෙ යාලුව කවිෂ්ක එක්ක වෑණ් එක අස්සෙ කෑම කනව...උන් අපිට කලින් මොන ක්‍රමෙන් හරි ඉස්කෝලෙන් පැනලා....ඔය 6,7 ශ්‍රේනි වල ඉන්න උන් තමයි ඉස්කෝලෙන් පනින්න හොර පාරවල් හොයාගන්න විශේෂඥයො....වැඩිපුරම ගාය තියෙන්නෙත් උන්ට....

ඊට පස්සෙ අපි වෑණ් එකේ ජනෙල් වලින් දැක්කාම අපි දැක්කා කිවුව විදිහටම ප්‍රිෆෙක්ට්ලා ගේටුටවෙන් ඇවිත් පාර බල බල පැනපු එවුන් හොයනවා....

අපිත් ටක් ගාලා වෑණ් එකේ අරල තිබුන ජනෙල්/දොර ඔක්කොම වහල බෑග් සීට් යට හංගලා අපි සීට් අස්සෙ හැංගිලා දිගා වෙලා හිටිය....ශේප් එකේ....මොකද අරුන් වෑණ් ළගට ඇවිත් සෝදිසි කලොත් ආයිත් ඉස්කෝලෙ එන්න හම්බෙන්නෙ නෑ....

කොහොම හරි ටික වෙලාවකින් උන් යන්න ගියා...පැනපු එකෙක්වත් අල්ල ගන්න උණ්ට පුලුවන් වෙලා නෑ....උන් රවාගෙන යනවා අපි දැක්කා....

මේ දිගා වෙලා හිටිය වෙලාවෙම මම බය උණු තරමක් ඔයාල දන්නෙ නෑ....

මේකත් එක කතාවක්...ඉස්කෝලෙන් පැනලි ගැන කතා බොහොමයි....ඒවත් ඉඩ ඇති වෙලා වල පස්සෙ දාන්නම්.... 

වින්ඩෝස් 10 ඉන්ස්ටෝල් කරපු හැටි....

හලෝ ඉතින් කොහොමද?...ජීවිතේ මල්ද?.....මම හිතන්නෙ මේක වෙන්නැති මම 2015 දෙසැම්බර් නිවාඩු කාලෙ ලියපු පළවෙනි බ්ලොග් පෝස්ට් එක....නිවාඩුවත් තිබුනට තිබුනා කියල දැනුනෙවත් නෑ....ඒ තරම්ම කම්මැලිකමෙන් පිරුණු නිවාඩුවක්....

ටෙච් බ්ලොග් එකට ලියන්න අලුත් දේවල් ටිකක් හොයන්න ඕනි උනාට මේකට ලියන්න නං ඕනි තරං ලිපි තියනවා....පහුගිය විබාග කාලෙ ගැන මම ලියන්න හිටපු පෝස්ට් ගාණ 20කට වැඩි ඇති....ඒත් වෙලාව තිබුනත් කම්මැලිකම නිසා ලියන්න බැරි උනා...මම ඒ කාලෙ ගැන පෝස්ට් පස්සෙ ලියන්නං.....මට මේ පෝස්ට් එක ලියන්න හිතුනෙත් නිකන් ඉන්න වෙලාවෙ වෙන කරන්න දෙයක් නොතිබුනු නිසා...

දිනය-2015.12.18

ඔන්න බොලේ හා හා පුරා කියල මම උදේ 6.30 ඇහැරුනා...නිවාඩු කාලෙ අනිත් ලමයි 9 විතර වෙනකන් නිදා ගත්තට මම එහෙම නෑ...ඒකට හේතුව මගේ කොම්පියුටර් පිස්සුව...කෙටියෙන් කියතොත් උදේ 9 වෙනකන් තමයි මගේ හච් ඩේටා පැකේජ් එකේ නයිට් ටයිම් එක තියෙන්නෙ.ඒකෙ ඩේ ටයිම් ගිගාබයිට් 3කුත් නයිට් ටයිම් ගිගාබයිට් 9කුත් ලැබෙනවා....ඉතින් මම කරන්නෙ ඩේ ටයිම් ගිගාබයිට් 3 දවල් සර්ච් කරන්න තියාගෙන උදේ 9 වෙනකන් නයිට් ටයිම් එකෙන් ඩවුන්ලෝඩ් කරන එක....

ටික කාලෙක ඉදලා මට වින්ඩෝස් 10 දාගන්න ඕනි වෙලා හිටියා....ඉතින් මම ටොර්න්ට් එකෙන් උදේ 9 වෙනකන් වින්ඩෝස් 10 දවස් 3ක් විතර ඩවුන්ලෝඩ් කලා....ඊට පස්සෙ අද උදේ තමයි ඒක ඩවුන්ලෝඩ් වෙලා ඉවර උනේ...උදේ 8.30ට විතර....

ඊට පස්සෙ මට හිතුනා ඒ වෙලාවෙම ඒක ඉන්ස්ටෝල් කරන්න...ඒත් වින්ඩෝස් ඉන්ස්ටෝල් කරන එක මහවදයක්...ඩෙස්ක්ටොප් එකේ එහෙම තියන අත්‍යවශ්‍ය ෆයිල් බැකප් කරන්න ඕනි එපා වෙනවා....ඊට පස්සෙ මම හිතුවා ඒක දවල්ට කල් දාන්න...ඔහොම ඉතින් දවල් නාල පැය ගාණක් බැකප් කරල වින්ඩෝස් සෙටප් එක ඉන්ස්ටෝල් වෙන්න දැම්මා....එතකොට දවල් 1ට විතර ඇති....

මෙන්න බොලේ ටිකක් වෙලා යනකොට සෙටප් එක 2%ක් විතර ඉන්ස්ටෝල් වෙලා ඉවර වෙනකොට(මේ සෙටප් පට්ට හිමින් ඉන්ස්ටෝල් වෙන්නෙ)අහස කලු කලා...දඩ බඩෝරියන්....මෙන්න බොලේ විනාඩි 2න් දාරානිපාත වරුසාව....

මං ගණන් ගත්තෙ නෑ....වැස්සත් ගෙරෙව්වෙ නැති නිසා....කරුමෙක මහත...සෙටප් එක ඉන්ස්ටෝල් වෙලා තියෙන්නෙ 30%යි...ගොරවන්න පටන් ගත්තා....

හයියෝ.....වැස්සට හැම තැනම සීතලයි ඒත් මගේ ඇගේ උතුරන්න දාඩිය....දැන් මොකැයි කරන්නෙ....ලැප් එක ඕෆ් කරන්නත් බැහැ....ඕෆ් කලොත් ඔක්කොම කෙලියා....බැටරියෙන් ඉන්ස්ටොල් කරන්නත් බෑ....ඒ මූසල බැටරිය පිච්චිලා මාස 2කට වැඩි....ඉතින් චාජරය ගහගෙනයි වැඩ කරන්නෙ....මට ටක් ගාල ඕක වහල ආයිත් අර මං ගාව තියන වින්ඩෝස් 8.1 ඩීවීඩී එකෙන් ලැප් එක බූට් කරගන්න පුලුවන්....කරුමෙක හැටි....ඒ සීඩී රොම් එක කැඩිලා මාසයකට කිට්ටුයි....බැටරිය යකාට ගියාවෙ කියල සීඩී රොම් එක වත් වැඩ නං....කතා කරල වැඩක් නෑ....අම්මට තාත්තට කිවුවට වැඩකුත් නෑ සල්ලි නෑ වෙලාව නෑ...

ඉතින්....මම කරපු වැඩේ ඉතිපිසෝ ගාථාව මතුර මතුර වෙව්ල වෙව්ල හිටියා....කොහොම හරි වාසනාවට සැරින් සැරේ තමයි ගෙරෙව්වෙ....කොහොම හරි 100%ක් ඉන්ස්ටෝල් උනා....

මම ජීවිතේට මෙහෙම බය වෙච්ච දවසක් නෑ....ලැප් එක ඕෆ් කරන්නත් බෑ....ඕෆ් නොකරත් බෑ...කොහෙන් හරි අකුණක් වැදුනත්....ඉවරම තමයිනෙ.....

මේක තමයි ඉතින් වෙච්ච සන්තෑසිය....

ලැප් එක කැඩුනෝ....

කියන්න තරං දෙයක් නෑ ලැප් එකේ ස්ක්‍රීන් එක අරින වහන අර ලොක් එක වගේ එක පැලුනා.දැන් ස්ක්‍රීන් එක නවල වහන්න බෑ.මොකක් හරි අවුලක් වෙයිද දන්නෙත් නෑ...ඒ මදිවට බැටරිය ඉවරයි.වැඩ නැහැ.ඒක කැඩිලා දැන් මාසයක් විතර වෙනවා.චාර්ජර් එක ගහල ප්ලග් එකෙන් පාවිච්චි කළා.ඒ නිසා ගාණක් නෑ.දැන් අලුත්ම වැඩේ දැන් cd rom එකත් වැඩ නැහැ.සීඩී එකක් දැම්මම බර බර ගාලා සද්දයක් එනවා.එතනින් එහාම හුලං...දැන් හදා ගන්න ට්‍රයි කරනවා...

හදිසියේ ආවෙ වැඩකට යනවා හොදේ...

බ්ලොග් වල Guest Post ලිවීම සම්බන්ධයෙන්......

ඇත්තටම මම මේ දවස් ටිකේ බ්ලොග් දෙකක ගෙස්ට් පෝස්ට් කිහිපයක් ලිවුවා.ඇත්තටම ඒක නං ලස්සන අත්දැකීමක්.මොකද හොදට ට්‍රැෆික් තියන සයිට් එකක දෙකක ඇඩ් ලින්ක එහෙම දාලා පෝස්ට් තුන හතරක් ලිවුවාම මට මාර සතුටක් එනවා.කොහොමත් බ්ලොග් පෝස්ට් එකක් ලිවුවාම හැමෝටම ලොකු සතුටක් එනවානේ.අරක අමුතුම අත්දැකීමක්.වෙන කෙනෙකුගෙ බ්ලොග් එකක ලිපි ලියන්න ලැබීම.ගෙස්ට් පෝස්ට් ලියනවා නං හොදට SEO වෙලා හොදට ට්‍රැෆික් තියන බ්ලොග් වල ලියන්න.ඒවාට ads link දාන්නත් අවසර ලැබෙනවා.මම මේ දවස් ටිකේ short.st,adf.ly,adlk වගේ ඒවලින් ලින්ක් ෂෝර්ට් කරලා දැම්මා.මේ දවස් 2කට සැලකිය යුතු ඉපයීමක් මං ඒ වලින් කරලා තිබුනා.දැනට මං එහෙම ලියන සයිට් තමා SinhalaZone.info,AluthTricks.com කියන්නේ.ඉතින් මම ඔයාලාටත් ආරාධනා කරනවා එහෙම ගෙස්ට් පෝස්ට් ලියන්න එන්න කියලා.මොකද ගොඩාක් අය තමන්ගෙ බ්ලොග් කරනවා විතරයි.වෙන බ්ලොග් වල ගෙස්ට් පෝස්ට් ලියන්නෙ නෑ.හැම විදිහකින්ම බ්ලොග්කරණයේ අලුත් අත්දැකීම් විදගන්න අපි පුරුදු වෙන්න ඕනි.

පූස් පැටියාගෙ වීඩියෝවක්.

අපේ ගෙදර පූසි මුලින්ම දාපු පූස් පැටවු දෙන්න තමා චෙස්ටර් සහ බස්ටර්.හරී ලස්සනයි.මයිල් පිරිලා සුදු පාටට.බස්ටර් නං ලෙඩ ගතියෙම තමා හිටියෙ.මාස තුන හතරකින් මැරුනා.චෙස්ටර්ටත් ලෙඩක් හැදුනා.බෙහෙත් ගන්න ගියා.බඩේ ගෑස් කියල කිවුවෙ.බෙහෙතක් විද්දා.මට හිතෙන්නෙ ඩොක්ටර්ට ලෙඩේ අදුරගන්න බැරි උනා.දිගින් දිගටම උෟට වමනෙ ගියා.කොහොම හරි අපේ ගෙදර හිටපු ලස්සනම පූසාත් මැරුනා.මේ තියෙන්නෙ එයාගෙ වීඩියෝ එකක්.

අපේ අලුත් Persian පූස් පැටව්.

අපේ ගෙදර අලුත් Persian පූස් පැටවුන්ට දැන් වයස මාසයයි.දැන් හරි හුරතල්.සෙල්ලම් කරනවා.අපි මහත අනුව හුරතලේට නමකුත් දැම්මා.මහත වැඩිම එකා බතල.ටිකක් මහත එකා අල.හීනිම එකා ඉන්නල.
අල,බතල,ඉන්නල....හේ හේ.....මේ බලන්නකෝ එයාලගෙ පින්තූර....

තව එකක් මේ පාර නං මුංව තියාගන්න පුලුවන් වෙයිද දන්නෙ නෑ මොකද විකුණන්න හදනවා.ගිය පාරත් තියාගෙන මාස තුන හතරෙන් මැරුණ ලෙඩක් හැදිලා.ඒ නිසා මට බැනුම් අහන්න උනා පොඩි කාලෙම දීල දැම්මා නං කරදරයක් නෑනෙ කියලා.ෆුල් ට්‍රයි එක දෙනවා තියාගන්න.ඔයාලත් පුලුවන් නං දෙන්න එපා කියල කමෙන්ට් එකක් දාලා යන්න හොදේ...

බ්ලොග් එකක් කරල ඇති වැඩේ මොකක්ද?

මේක මට ගොඩාක් වෙලාවට එන ප්‍රශ්නයක්.ඇයි අපි බ්ලොග් එකක් කරන්නේ?ඒකෙන් අපිට ඇති වැඩේ මොකක්ද?මේකට ඇත්තටම තේරුමක් මම දන්නෙත් නෑ.මට හිතෙන දේ කියල දානවා.....

ගොඩක් අය කියනව බ්ලොග් එකක් කිරීමෙන් හිතන ලොකු සහනයක් ලැබෙනවලු.ඒක නං ඇත්ත කියල මටත් පෞද්ගලිකවට හිතිල තියනව.

බ්ලොග් එකෙන් සල්ලි හොයන්න පුලුවන් නිසා කරනවාලු.මේකත් ඇත්ත.සල්ලි හොයන්න පුලුවන්.ඇඩ් නෙට්වර්ක් හරහා...නමුත් මම මගේ ටෙච් බ්ලොග් එකට දාල තියනවා.ට්‍රැෆික් ආවොත් සල්ලි එන්න.ඒත්...මම වගකීමෙන් කියනව මම කවදාවත් සල්ලි හොයන්න බ්ලොග් කරන්නෙ නෑ.මම අරකට ඇඩ් දාල තියනව ඒක ඇත්ත.ඒ සල්ලි ආවොත් ගන්නව නැත්තං නිකන් ඉන්නව කියල හිතාගෙන...කොහොමත් වින්ඩිගේ අඩවියට මම ඇඩ් දාන්නෙ නෑ..

දැන් සිංහල බ්ලොග්කරණය විනාස වෙලාලු.මේක නං ඇත්ත කියල මට හිතෙනව මොකද පරණ බ්ලොග් 2006-2009 කාලෙ ආපු බ්ලොග් දිහා බැලුවට දැන් තියෙන්නෙ මොනවද කියල හිතෙනව.හොර සොෆ්ට්වෙයා පීටීසී ඊමනි ගැනමයි තියෙන්නෙ.පෝස්ට් එකක read more බට්න් එකක් ක්ලික් කරල ඉතිරි ටික කියවන්න බෑ adf.ly,short.st වලින් තියාගෙන තත්පර 5ක් චාටර් කරනව ඒ මදිවට පොප් අප් ඇඩ්ස් එපා වෙනව ආයිත් මිනිහෙක් යයිද ඔහොම බ්ලොග් එකකට?හොදයි මොන කට්ට කාගෙන ගියත් වැඩක් නෑ මෙලෝ රහක් නැති පෝස්ට් එකක් තියෙන්නෙ.එපා වෙනවනෙ ඉතින්....

ගොඩක් බ්ලොග් අවුරුදු 2යි.
අැයි මොකක් හරි වැදගත් දෙයක් තියන බ්ලොග් එකක ආයුකාලය අවුරුදු 2කට සීමා වෙන්නෙ?වැඩිම උනොත් අවුරුදු 3යි නැත්තං 4යි.ඇයි මෙහෙම වෙන්නේ?මේකට නං මටත් උත්තරයක් හිතාගන්න බෑ.

2014 අපල වසරකි.
මට මේක පෞද්ගලිකවම හිතුනු දෙයක්.ගොඩාක් හොද අදහස්/ලිපි තියන හුගක් පරණ බ්ලොග් 2014න් පස්සෙ ලියන එක නවත්තල.2006 ඉදන්ම කරගෙන ආපු දක්ෂ බ්ලොග් කාරයොත් 2014න් නවත්තල.අලුත් හොද ඒවත් ඉවරයි.

බ්ලොග් කියවන්නො නැහැ.
මේක නං තනිකරම ඇත්ත.දැන් බ්ලොග් කියන්න කවුරුත් වැඩිය කැමති නෑ.ඇයි මේ?මටත් හිතාගන්න බෑ.ෆේස්බුක් වල වල්පල් බල බල දවසම උනත් ඉන්න සමහරු කැමතියි.නමුත් අධ්‍යාපනික වටිනාකමක් තියන බ්ලොග් එකක විනාඩි 5ක් ගත කරන්න කැමති නෑ.ඇයි මේ?

වැඩ්ඩර් වගේ පටන් ගන්නව.සතියක් යද්දි ඉවරයි.
සමහරු ඉන්නව හරී ආසාවෙන් පොර වගේ බ්ලොග් පටන් ගන්නව මැසේජ් දානව ඩෝ මම බ්ලොග් එකක් පටන් ගත්ත ගිහින් බලාපිය කියල...සතියක් 2කින් හූම් සද්දයක් නෑ.ඇහුවාම කියනවා පෝස්ට් දාන්න වෙලාවක් නෑ.පවු අනේ....

මේවා මට පෙනෙන ප්‍රධානම බ්ලොගර් වල තියන ගැටලු.අනේ මංදා මේක ගොඩක්ම බලපාල තියෙන්නෙ සිංහල බ්ලොගර්කරුවන්ට...මොකක්ද මේකට හේතුව?දන්නේ උඩ ඉන්න දෙවියෝ තමයි.

TAB.LK වලින් Tablets ගන්න බලනව නම් දෙවරක් සිතන්න

මේක මගේ අත්දැකීමක් නෙවේ.නමුත් මගේ යාලුවෙක්ගෙ එකක්.එයා ෆෝරුම් එකක එයාට වෙච්ච අකරතැබ්බය මෙසේ විස්තර කර තිබුනා.
-----------------------------------------------------------------------------------------------------------
Tab.lk නැත්තම් Extreme Technologies Lanka (Pvt) Ltd ලංකාවෙ තියෙන ටැබ් විකුණන සමාගමක්, වෙබ් අඩ්වියක්.
මොවුන්ගේ වංචාවක් ගැන කියන්නයි මම ලෑස්ති වෙන්නෙ.

මම මොවුන්ගේ වෙබ් අඩවියෙන් ටැබ්ලට් එකක් මිලට ගත්ත 16/09/2015, රු.55900කට. එවෙලෙම කතා කරල සල්ලි ටිකත් bank transfer කළා. පැය 12කින් ටැබ් එක ලැබෙයි කිව්ව. දවස් 2ක් බලා හිටිය ආවෙ නෑ. කතා කළාම කිව්ව courier service එකෙන් පැකේජ් එක නැති කරල එයාල ආපහු එවන්නම් කියල. තව දවස්2ක් බලා හිටිය ආවෙ නෑ. කතා කළාම කිව්ව ඒක එව්වෙ නෑ ස්ටොක් නෑ කියල. 62000කට තියෙන එකක් ගන්න කිව්ව. තවත් 6000ක් වියදම් කරන්න බැරි නිසා මම කිව්ව මට සල්ලි ආපහු දෙන්න කියල. 
අදට එහෙම කියල දවස් 12ක් වෙනව තාම සල්ලි හම්බුනේ නෑ. චෙක් එකක් පෝස්ට් කළාලු registered post එකේ දවස් 4ක් තිස්සෙ මට තාම ඒක ආවෙ නෑ. බැංකු ගිණුමට දවස් දෙකක් තිස්සෙ සල්ලි දානව කියනව තාම දාල නෑ. බැංකු යන්න පිටත් උනාලු, මම හිතන්නෙ තාම මග වෙන්න ඇති.  
මම ඊයෙ පොඩි තර්ජනේකුත් කළා ෆේස්බුක් පුරා දානව, ෆෝරම් හැම එකකම දානව, පත්තරේට දානව, ඊමේල් ලක්ෂ ගාණකට යවනව, අන්තිමට පාරිභෝගික සේවා අධිකාරියට කම්ප්ලේන් කරනව කියල. 
අද කොහොමහරි සල්ලි දාන්නම් කීව. දැන් පැයකට කලින් ඒකෙ Accounts Manager හෝ කවුද මන්ද එකෙක් සල්ලි ටික අතට ගත්තලු. එවෙලෙ පිටත් උනාලු head office එකෙන්. සල්ලි තව ටිකකින් වැටෙයි කිව්ව. දැන් 2.55PM. තාම නම් නෑ. 

සල්ලි ලැබුණත් මම අර කිව්ව වැඩේ නම් කරනව. 
මේ වගේ මිනිස්සු රවට්ටන එවුන්ට ඉන්න දෙන්න හොඳ නෑ. 
මේ කතාව පුළුවන් හැමෝටම කියන්න. 

http://www.tab.lk/
https://www.facebook.com/extremelanka?fref=ts
http://lk.wowcity.com/colombo/gpid/102243338746457958136/extreme-technologies-lanka-pri.htm
http://lk.99nearby.com/place/extreme-technologies-lanka-private-limited-tab-lk/9061
https://www.linkedin.com/pub/extreme-technologies-lanka-private-limited/54/48/8b6
http://hitlanka.com/computers-laptop-for-sale-sri-lanka-ikman-laptop/ads/classified,16621.html
http://gadgets.lk/full-detail-seller-of-new-extreme-life-tab-7-for-sale-in-sri-lanka-10282-2479
http://www.gadgets.lk/full-detail-seller-of-new-intel-onda-hd9.7-for-sale-in-sri-lanka-13246-2479
http://gadgets.lk/full-detail-seller-of-new-apple-ipad-air-for-sale-in-sri-lanka-13481-2479
---------------------------------------------------------------------------------------------------------
මෙන්න මේකයි කතාව.දැන් කාලෙ නෙට් එකේ බැලුවොත් ඉන්නෙ හොරු.ඒ නිසා අපි ගොඩාක් පරිස්සම් වෙලා අවධානයෙන් ඉන්න ඕනි.

මමත් Book Fair ගියා.....

ගොඩ කාලෙකට පස්සෙ තමයි ලිපියක් ලියන්න විවේකයක් ලැබුනෙ.අපෙ අම්මා රෑ වෙනකන් මහනවා.ඉතින් තනියට මාත් රෑ වෙනකන් ඇහැරගෙන ඉන්නව.මේ දවස් වල පේපර් මාර්කින් නිසා කොළඹ ඉස්කෝල වලට සති 2ක් නිවාඩු.ඒ නිසා ටිකක් උදේ වෙනකන් නිදා ගන්න පුලුවන්.ඒ නිසා රෑ ඇහැරල ඉන්න ගාණක් නෑ.ලැප් එක ඔන් කරගෙන ඩොංගල් එක ගහගත්තම නින්ද යන්නෙත් නෑ.

මේ ලිපිය ලියන්න පාදක උනේ කොළඹ ජාත්‍යන්තර පොත් ප්‍රදර්ශනය - 2015.සරලව කිවුවොත් බුක් ෆෙයා.පොඩි කාලෙ ඉදන්ම පොත් කියවන පිස්සුවක් මට තිබුනත් මේ වෙනකන් කවදාවත් කොළඹ බුක් ෆෙයා එකට ගිහින් තිබුනෙ නෑ.ආසාවෙන් හිටියා උනත්.

එදා අපේ චූටි අම්මා(අපෙ අම්මගෙ නංගි)කිවුවා මාව බුක් ෆෙයා එක්කන් යනවා කියල...හිතාගන්න පුලුවන්නෙ අප්පේ මට තියන සන්තෝසෙ....ඒව ගැන වැඩි විස්තර කියන්නෙ නෑ ඔන්න සෙනසුරාද විද්‍යා පන්තිත් කට් කොරගෙන ඔන්න නැග්ග උදේ පාන්දරින් හොරණ කොළඹ බස් එකක...මායි චූටි අම්මයි අම්මයි විතරයි ගියේ.නංගිව පුංචිලාගෙ ගෙදර දාලා ගියා....

අපි හිතන් හිටියෙ කෑම හොරණින්ම අරන් යන්න.ඒත් කලබලේට අමතක උනා.ඒ පාර ගත්තෙ කොළඹින්.අපෙ අප්පේ....රෝල්ස් එකක් රු.40ක්.මෙහෙ 25යි.කොහොමින් කොහොම හරි අපි BMICH එකටත් ළගා වුනා....

හැම එකකටම කලින් කියන්න ඕනි මේ කාලකන්නි වැස්ස ගැන.එක මිනිත්තුවක් පෑව්වෙ නෑ.මහ හයියෙන් වැස්සෙ නැති උනාට හරියට පොදේ....

කොහොම හරි වැස්ස කියල නෑ අපි උදෙන් ගිය නිසා එච්චර සෙනග හිටියෙ නෑ.අපිත් ටිකට් අරන් ගියා දැන් පොත් ප්‍රදර්ශනේට...

ගෙනාපු කෑම කාලා අපි පොත් ප්‍රදර්ශනේ බලන්න පටන් ගත්තෙ j හෝල් එකෙන්.

මම තමයි හැමෝටම කලින් පොත් ගත්තෙ.මුලින්ම හිත ගියේ චන්දන මෙන්ඩිස් පරිවර්ථනය කරපු අලුත්ම ෂර්ලොක් හෝම්ස් පොත.ඕලන්ද නෞකාව පොත.අම්මලත් ගොඩක් පොත් ගත්තා.මට ඔක්කොම පෙනුනෙ දාර්ශනික කතා වගේ.

කොහොම හරි මම ගන්නවාමයි කියල හිතන් ආපු පොතක් තමයි ඕලන්ද නෞකාව.තව බිගල්ස්වර්ත්ගේ ගුවන් වික්‍රම පොතකුත් ගන්න ඕනි වෙලා තිබුනා.තව EasyGuide Web Design පොතකුත් ගන්න ඕනි වෙලා තිබුනා.

අපේ අම්මලා නං හරියට පොත් ගත්තා.මට නං ඒ පොත් දාර්ශනික පොත් වගේ.පැය ගණනක් අම්මලා නිහඩව පොත් තෝරනකොට මම ඉන්නෙ නොඉවසිල්ලෙන්...මට ඕනි කරන පොත් හොයන්න ටිකක් මහන්සි වෙන්න ඕනි.විශේෂයෙන්ම EasyGuide පොත් හොයන්න ටිකක් මහන්සි වෙන්න උනා.මොකද ඒක පබ්ලිෂ් කරන විජය නිවුස්පේපර්ස්ලාගෙ වෙළද කුටිය තිබුනු a හෝල් එකට අපි ගියෙ අන්තිමට.

අපි ගියා D,E වගේ හෝල් වල තිබුනෙ සරසවි වගේ ඉහළ පෙලේ පොත් ප්‍රකාශකයින්ගෙ වෙළද කුටි.ඒ වල නං හැරෙන්නවත් බෑ.මාර විදිහට සෙනග.

අපේ නංගිලා ආවෙ නැති උනත් ඒ අයට ගැලපෙන විදිහේ ලස්සන පොත් ටිකක් අම්මලා තෝරගෙන තිබුනා.ලස්සන රුසියානු කතන්දර පොත්.ඒ වෙලාවෙ තිබුනු නොඉවසිල්ලට ඒව වැඩකට නැති ඒව කියල හිතුනත් පස්සෙ කියවල බලද්දි ඒව හරිම ලස්සන කතන්දර කියල හිතුනා.

මේ වෙද්දි චූටි අම්මගෙ අතේ තිබුනු සල්ලි ටික ඉවරවෙලා තිබුනෙ.ඒත් කාඩ් එක තිබුනා.ඒ හින්දා කාඩ් වලින් ගෙවන්න පුලුවන් තැන බලල තමා ගත්තේ.

කොහොමින් කොහොමින් හරි අන්තිමට බලමු a හෝල් එකට එනකොට අපි තුන් දෙනාටම ටිකක් මහන්සියි.ඒ නිසා අපි ඒ කිට්ටුව ටිකක් වාඩි වෙලා හිටියා.ඊට පස්සෙ a හෝල් එකට ගියාමයි දැක්කෙ එතන කාඩ් වලින් සල්ලි ගන්න පුලුවන් atm එකක් තියනවා.එතනින් චූටි අම්මා කාඩ් එකෙන් සල්ලි මාරු කරගත්තා.

මේ අතරෙ EasyGuide පොත් හොය හොය ඉන්න මම EasyGuide 200 100/= කියන එක දැක්කෙ අහම්බෙන්.ඒක දැක්ක ගමන් මම දුවගෙන ගියා.මම ගන්න හිටපු ඔක්කොම වගේ පොත් ටික එතන තියනව.මම මුලින් තෝරගත්තෙ 3යි.ඊට පස්සෙ අම්මා කිවුවා තව දෙක තුනක් තෝරගන්න කියලා...ඒ පාර 6ක් තෝරගෙන මේ ඇති කියල හිටියා...ඊට පස්සෙ චූටි අම්මා කිවුවා 10ක් වෙන්න ගන්න කියල.මට නිකන් මොකක්ද වගේ...මෙහෙම කරදර කරන්නත් බෑනෙ.කොහොම හරි පොත් 10ක් ගත්තා.....
CSS,JavaScript,ActionScript,Visual Basic,Android Developing,Font Designing,Coral Draw,Jquery,OpenCart,Wordpress ඔය වගේ පොත් ගත්තෙ.ගොඩක්ම ගත්තෙ වෙබ් ඩිසයින් පොත්.මොකද මට වෙබ් ඩිසයින් කියන එක හරියට ඉගෙන ගන්න ඕනි වෙලා තිබුනා.සිංහලෙන් තියෙන නිසා අධ්‍යයනය කරන්නත් පහසුයි.

ඊට පස්සෙ a හෝල් එකේ එහෙ මෙහ ඇවිදල තව පොත් ටිකක් ගත්තා.මම ටොම් සෝයර් පොතකුයි තරුණ වීරයෝ පොතකුයිත් ගත්තා.පුලුවන් තරං ප්‍රකාශකයන්ගෙන් තමා ගන්න ඕනි.මොකද එයාලගෙ පොත් වෙන තැන් වලත් විකුණන්න තියනවා.ඒ තැන් වල 20%ක ඩිස්කවුන්ට් එකක් දෙනවා.නමුත් ඒ පොත් වල ප්‍රකාශකයො 30% ඩිස්කවුන්ට් දෙනවා.

ඒ වගේම පොත් වල පිටු අංක බලල ගාණට තියනවද පිටු කොහොමද හරියට වැදිලද කියලත් බලන්න ඕනි.බුක් ෆ්‍යො එක ලංවෙනකොට පොත් ගහන්නෙ කලබලෙන් ලට පට ගාලා...

හප්පේ....දැන් පොත් තෝරගෙනත් ඉවරයි.දැන් ඉන්ට බෑ...මහන්සියි....ඒ මදිවට බඩ ගින්න....ඊට පස්සෙ අපි කෑම කන තැනකට ගියා....

බුක් ෆ්‍යො එකේ කෑම දෙන්න දාලා තිබුනෙ මවුන්ට් ලැවීනියා එකෙන්.ඉතින් ගණන් හිලවු කියන්න ඕනි නෑනෙ.අපි ගත්තා ප්‍රයිඩ්රයිස් 3ක් ගත්තා 3න් දෙනාටම.එක්කෙනෙක්ට රු.400 ගාණක්.මට දැන් මතක නෑ.කෑම 3ට විතරක් රු.1300ක් විතර ගියා...කොහොම උනත් මිලේ හැටියට රසත් හොදට තිබුනා.ඒ නිසා වරදක් කියන්න බෑ.

හම්මේ....කෑමත් කාල දැන් හරි...තාමත් අර මූසල වැස්ස.නතර වෙලා නෑ.ආයෙත් ඔන්න අපි ගෙදර එන්න පිටත් උනා.....

ගෙදර ආපු හැටි නං කියන්න බෑ කියන්න ඕනිත් නෑ බස් එකේ නැගල සාමාන්‍ය විදිහට ගෙදර ආවා....

එහෙනං මම යනවා නිදාගන්න...කිවුවට තව පැය බාගෙකින් විතරලු අම්මගෙ වැඩ ඉවරවෙන්නෙ...එතකන් ඉන්නවා....
සුබ රාත්‍රියක්!!!
සුබ දවසක්!!!

මට අමතක උනා....

හම්මේ....මට අමතක උනා....හිතට එන හැමදේම ලියන්න පර්සනල් බ්ලොග් එකක් හැදුවා කියලා.....දැනුයි මතක් උනේ....මගේ තාක්ෂණික බ්ලොග් අඩවිය PCKOTIYA පරිගණක ලෝකය නං නැගලා යනවා.මට දුක ඒකෙ පරිගණක ගැන විතරනෙ ලියන්නේ.ඉතින් මටත් ඕනි වුනා හැම මගුලම ලියන්න පුලුවන් වෙන්න පර්සනල් බ්ලොග් එකක් ලියන්න.ඔහොම තමයි.අදහස් එනවා.බ්ලොග් එකත් හදනවා.ඊට පස්සෙ මාර කම්මැලිකමක් ගහනවා.දැන් බ්ලොග් 8ක් තියනවා.එකකවත් පෝස්ට් නෑ.ඒත් වින්ඩිගේ අඩවිය මං අමතක කරන්නෙ නෑ.ඇයි මගේ පර්සනල් බ්ලොග් එකනෙ.

2017.02.09 UPDATE
පසුකාලීනව මෙම බ්ලොග් අඩවියේ නම වින්ඩිගේ අඩවිය ලෙස නොව කොටිමල්ලියාගේ බ්ලොග් පිටුව ලෙස වෙනස් කරන ලදී...
තවද අර බ්ලොග් එකක් කිරීමෙන් සැනසීම ලැබෙනවා කියා තාත්තා කියුවා යැයි කියා ඇති කතාව අමු පචයක් බවද සලකන්න...එය ඒ වෙලාවේ පෝස්ට් එක දැමීමේ ආතල් එකට දැමූ කොටසකි...
මෙම බ්ලොග් අඩවිය කොටි මලයා පොරගේ ජීවන අත්දැකීම්,නිර්මාණ,පොරට හිතෙන දේවල්,පොරගේ බුද්ධිමත් සහ මන්දබුද්ධික ප්‍රකාශ,සහ ඌගේ මිතුරන්ගේ වැරදි වලට මිතුරන්ට කෙලින් කිව නොහැකි නිසා ඒවාට සියුම් ලෙස බැනීමට ආදී දේවල්වලට යොදා ගන්නා එකකි...ඔබගේ අදහස්,යෝජනා,චෝදනා,දිරිගැන්වීම්,ඇනුම්බැනුම්,අමුකුණුහරුප හැම දේකටම විවෘත බවද කරුණාවෙන් සලකන්න...ඔබ සැමට ජය වේවා...!!!

මීට,
13ශ්‍රී 6127

ඕන්න මමත් බ්ලොග් එකක් පටන් ගත්තා.-වින්ඩිගේ අඩවිය

ඔන්න ඉතින් මාත් පොඩි සිංහලෙන් බ්ලොග් එකක් පටන් ගත්තා.නිකන් ඉන්න බැරිකමට.බ්ලොග් එකක් කිරීමෙන් හිතට ගොඩාක් සැනසීමක් ලැබෙනවා කියලා අපේ තාත්තා කිවුවා මට මතකයි.එතකොට දැනුම,විනෝදය ඕනි එකක් බෙදා ගන්න පුලුවන්නේ.මීට පස්සෙ මම හිතට එන හැමදේම බ්ලොග් එකේ ලියන්න හිතන් ඉන්නව.මට හරිම සතුටුයි.පොඩි හරි පොස්ට් එකක් ලියන්න ලැබෙනවා නම්.හොදායි අපි ඊළග ලිපි වලින් හමුවෙමු මේක මේ පිලිගන්න ලිවුවෙ.

2017.02.09 UPDATE
පසුකාලීනව මෙම බ්ලොග් අඩවියේ නම වින්ඩිගේ අඩවිය ලෙස නොව කොටිමල්ලියාගේ බ්ලොග් පිටුව ලෙස වෙනස් කරන ලදී...
තවද අර බ්ලොග් එකක් කිරීමෙන් සැනසීම ලැබෙනවා කියා තාත්තා කියුවා යැයි කියා ඇති කතාව අමු පචයක් බවද සලකන්න...එය ඒ වෙලාවේ පෝස්ට් එක දැමීමේ ආතල් එකට දැමූ කොටසකි...
මෙම බ්ලොග් අඩවිය කොටි මලයා පොරගේ ජීවන අත්දැකීම්,නිර්මාණ,පොරට හිතෙන දේවල්,පොරගේ බුද්ධිමත් සහ මන්දබුද්ධික ප්‍රකාශ,සහ ඌගේ මිතුරන්ගේ වැරදි වලට මිතුරන්ට කෙලින් කිව නොහැකි නිසා ඒවාට සියුම් ලෙස බැනීමට ආදී දේවල්වලට යොදා ගන්නා එකකි...ඔබගේ අදහස්,යෝජනා,චෝදනා,දිරිගැන්වීම්,ඇනුම්බැනුම්,අමුකුණුහරුප හැම දේකටම විවෘත බවද කරුණාවෙන් සලකන්න...ඔබ සැමට ජය වේවා...!!!

මීට,
13ශ්‍රී 6127